اسلام آباد: (رائیٹ ناؤنیوز) اقتصادی سروے 2025-26 کے مطابق مختلف شعبوں کو گزشتہ دو برسوں میں 8 ہزار 182 ارب روپے کی ٹیکس چھوٹ دی گئی ہے۔ یہ چھوٹ انکم ٹیکس، سیلز ٹیکس اور کسٹمز ڈیوٹی پر دی گئی ہے۔

رپورٹ کے مطابق مالی سال 2024-25 میں 5 ہزار 840 ارب روپے اور 2025-26 میں 2 ہزار 352 ارب روپے کا ٹیکس استثنٰی دیا گیا۔ ان رعایتوں کا مقصد معیشت کو ترقی دینا بتایا گیا ہے۔

سروے میں واضح کیا گیا ہے کہ سال 2025-26 میں سیلز ٹیکس کے تحت 1 ہزار 273 ارب روپے کی چھوٹ دی گئی۔ انکم ٹیکس میں 560 ارب اور کسٹمز ڈیوٹی میں 499 ارب روپے کی رعایت شامل ہے۔

یہ چھوٹ درآمدات اور مقامی سپلائی دونوں پر لاگو ہوئی۔ فاٹا اور سی پیک منصوبے بڑے فائدہ اٹھانے والے شعبے رہے ہیں۔ آٹوموبائل سیکٹر کو بھی ٹیکس کریڈٹ ملا ہے۔

یاد رہے کہ حکومت نے معیشت کو مستحکم کرنے کے لیے یہ اقدامات کیے ہیں۔ ٹیکس چھوٹ کا مقصد مختلف شعبوں کی ترقی اور معیشت کو سہارا دینا ہے۔