چترال: (رائیٹ ناؤ نیوز) چترال میں دنیا کے بلند ترین پولو گراؤنڈ پر شندور پولو فیسٹیول کا آغاز ہوا ہے۔ اس رنگا رنگ تقریب میں پاکستان اور دنیا بھر سے سیاحوں کی بڑی تعداد نے شرکت کی ہے۔

افتتاحی تقریب میں گورنر خیبرپختونخوا فیصل کریم کنڈی نے بطور مہمان خصوصی شرکت کی۔ معاون خصوصی برائے سیاحت ملک عادل اقبال اور وزیر اطلاعات شفیع جان نے بھی میڈیا سے گفتگو کی۔

فیسٹیول میں چترال اور گلگت بلتستان کی ٹیموں کے درمیان روایتی پولو مقابلے منعقد ہوئے۔ شائقین نے دلچسپ مقابلوں کا بھرپور لطف اٹھایا۔

گورنر خیبرپختونخوا نے کہا ہے کہ سیاحت کا فروغ حکومت کی اولین ترجیح ہے۔ شندور سمیت سیاحتی مقامات کی بہتر رسائی کے لیے وفاقی حکومت اور این ایچ اے کے ساتھ اجلاس کیے جائیں گے۔

یاد رہے کہ شندور پولو فیسٹیول ہر سال چترال میں منعقد ہوتا ہے اور یہ سیاحوں کے لیے کشش کا باعث بنتا ہے۔