پشاور: (رائیٹ ناؤ نیوز) وزیراعلیٰ خیبرپختونخوا نے خبردار کیا ہے کہ اگر صوبے کے ساتھ سوتیلی ماں جیسا سلوک جاری رہا تو این ای سی اجلاس میں شرکت مشکل ہوگی۔ وفاقی وزیر احسن اقبال اور حکومتی ٹیم کے ساتھ ملاقات میں این ایف سی اور مالی حقوق پر بات چیت کی گئی۔

ملاقات میں وزیراعلیٰ نے کہا کہ خیبرپختونخوا کے مالی حقوق کی فراہمی ناگزیر ہے، ورنہ این ای سی اجلاس میں شرکت نہیں کریں گے۔ سہیل آفریدی نے عدالت میں عمران خان سے ملاقات کی اجازت کی درخواست دی ہے۔

اس موقع پر سہیل آفریدی نے کہا کہ سیاسی جماعتیں بڑے فیصلوں سے قبل قیادت سے مشاورت کرتی ہیں۔ وزیراعلیٰ نے مطالبہ کیا کہ وفاق صوبے کے آئینی اور مالی حقوق کو یقینی بنائے۔

حکومت خیبرپختونخوا نے اے آئی پی فنڈز کو 37 ارب روپے سے کم کر کے 27 ارب روپے کر دیا ہے، جبکہ ضم اضلاع کے ترقیاتی بجٹ کو 56 ارب روپے تک محدود کر دیا گیا ہے۔

یاد رہے کہ پی ٹی آئی میں کوئی فارورڈ بلاک نہیں ہے اور تمام ایم پی ایز سہیل آفریدی کے ساتھ ہیں۔ وزیراعلیٰ نے وفاق سے خیبرپختونخوا کے حقوق کی فراہمی کا مطالبہ کیا ہے۔