اسلام آباد: (رائیٹ ناوٴ نیوز) وفاقی حکومت نے آئی ایم ایف کو 2026-27 کے بجٹ میں ترقیاتی منصوبوں کے لیے 10 فیصد فنڈز مختص کرنے کی یقین دہانی کرائی ہے۔ یہ فیصلہ آئندہ مالی سال کے وفاقی بجٹ کی تیاری کے سلسلے میں لیا گیا ہے۔

آئی ایم ایف جائزہ مشن بجٹ سازی پر مشاورت کے لیے آئندہ ماہ پاکستان کا دورہ کرے گا۔ وفد کے ساتھ اگلے مالی سال کے لیے مجوزہ اہداف پر تفصیلی گفتگو کی جائے گی۔

حکام کے مطابق بجٹ کا حجم، جی ڈی پی کا ہدف، اور دیگر مالیاتی اہداف آئی ایم ایف کے ساتھ مشاورت کے بعد طے کیے جائیں گے۔ غیر ضروری ٹیکس چھوٹ کو ختم کرنے کی بھی تجویز دی گئی ہے۔

یہ اقدام ملکی مالیاتی استحکام کے لیے ضروری ہے، تاکہ ترقیاتی منصوبوں کی بروقت تکمیل ممکن ہو سکے۔ حکومت نے پی ایس ڈی پی کے تحت مختص فنڈز کے مؤثر استعمال کو یقینی بنانے کی کوشش کی ہے۔

واضح رہے کہ رواں مالی سال میں بھی پی ایس ڈی پی کے لیے ایک ہزار ارب روپے مختص کیے گئے تھے، مگر اب تک صرف 450 ارب روپے خرچ ہوئے ہیں۔