ماسکو: (رائیٹ ناوٴ نیوز) ایرانی وزیر خارجہ عباس عراقچی نے سینٹ پیٹرز برگ میں روسی صدر ولادیمیر پیوٹن سے ملاقات کی۔ پیوٹن نے ایرانی مفادات کے تحفظ کی یقین دہانی کرائی۔

پیوٹن نے ایران کے سپریم لیڈر کا پیغام وصول کرنے کی تصدیق کی اور ان کے لیے نیک خواہشات کا اظہار کیا۔ ان کا کہنا تھا کہ ایران اور خطے کے مفادات میں جو ممکن ہو، روس کرے گا۔

حالیہ ملاقات میں پیوٹن نے ایران کے ساتھ اسٹریٹجک تعلقات جاری رکھنے کے عزم کا اظہار کیا۔ انہوں نے امید ظاہر کی کہ ایرانی عوام اس مشکل دور سے گزر جائیں گے۔

ایرانی وزیر خارجہ نے روس اور پیوٹن کی حمایت پر شکریہ ادا کیا اور کہا کہ دونوں ممالک کی اسٹریٹجک شراکت داری مضبوط ہوتی رہے گی۔

یاد رہے کہ عباس عراقچی کا یہ دورہ خطے میں جاری کشیدگی کے تناظر میں اہم ہے، جہاں ایران اور امریکا کے درمیان کشیدگی کم کرنے کی کوششیں جاری ہیں۔