نیویارک: (رائیٹ ناوٴ نیوز)۔ جدید تحقیق نے بزرگ افراد کی دن کے وقت نیند اور شرحِ اموات کے درمیان خطرناک تعلق دریافت کیا ہے۔ تحقیق کے مطابق دن کے وقت زیادہ سونا موت کی ابتدائی علامت ہو سکتا ہے۔

میساچیسٹس جنرل ہسپتال اور رش یونیورسٹی کے محققین نے 1,338 بزرگ افراد کی نیند کا 19 سال تک مشاہدہ کیا۔ دن میں ہر اضافی گھنٹے کی نیند سے موت کا خطرہ 13 فیصد بڑھ جاتا ہے۔

حکام کا کہنا ہے کہ صبح کے وقت قیلولہ کرنے والوں میں شام کے مقابلے میں 30 فیصد زیادہ خطرہ ہے۔ یہ تبدیلیاں جسم کی اندرونی خرابیوں کی علامت ہوتی ہیں۔

یہ تحقیق بتاتی ہے کہ نیند کے بدلتے پیٹرن کو نظرانداز کرنا طبی غلطی ہو سکتا ہے۔ محققین نے طبی آلات کے استعمال کی تجویز دی ہے۔

یاد رہے کہ یہ تحقیق جے اے ایم اے نیٹ ورک اوپن میں شائع ہوئی ہے، جس میں نیند کی عادات کو صحت کے خطرات کے ساتھ جوڑا گیا ہے۔