تہران: (رائیٹ ناوٴ نیوز)ایران کے صدر مسعود پزشکیان نے تہران کے ایک اسپتال پر امریکی بمباری کے دوران 3 نوزائیدہ بچوں کو محفوظ مقام پر منتقل کرنے والی نرس ندا سلیمی کی بہادری کو خراج تحسین پیش کیا ہے۔ انہوں نے ندا سلیمی کی ویڈیو شیئر کرتے ہوئے کہا کہ مشکل وقت میں ایرانی عوام اور طبی عملے کی قربانیاں قابل تحسین ہیں۔

ندا سلیمی، جو تہران کے خاتم الانبیاء اسپتال میں خدمات انجام دیتی ہیں، حملے کے دوران 3 نوزائیدہ بچوں کو فوری طور پر محفوظ مقام پر لے گئیں۔ اس واقعے کی ویڈیو اسپتال کے سی سی ٹی وی کیمروں میں بھی ریکارڈ ہوئی، جسے بعد میں ایرانی صدر نے اپنے ایکس اکاؤنٹ پر شیئر کیا۔

ندا سلیمی نے اس خوفناک لمحے کو یاد کرتے ہوئے کہا، “اس وقت میں نے خدا سے دعا کی کہ اگر مجھے شہادت بھی نصیب ہونی ہے تو مجھے صرف اتنا وقت مل جائے کہ میں ان نوزائیدہ بچوں کو ان کی ماؤں تک پہنچا سکوں۔” ان کے اس بیان نے واقعے کی انسانی اور جذباتی شدت کو مزید نمایاں کر دیا۔

صدر پزشکیان نے ندا سلیمی کو اپنی “پیار ی بیٹی” قرار دیتے ہوئے ان کی جرات اور فرض شناسی کو سراہا۔ انہوں نے کہا کہ بعض سی سی ٹی وی مناظر صرف ایک جھلک ہیں، جبکہ ایرانی عوام اور طبی عملہ اس سے کہیں بڑھ کر قربانیاں دے رہا ہے۔

صدر مسعود پزشکیان نے امریکی اور اسرائیلی حملوں کے دوران ایرانی طبی عملے کی کوششوں کی تعریف کی۔ انہوں نے نرس ندا سلیمی کا خصوصی ذکر کرتے ہوئے ان کی جرات اور فرض شناسی کی تعریف کی۔

ایرانی صدر نے اپنے بیان میں ندا سلیمی اور دیگر افراد کا شکریہ ادا کیا جو مشکل وقت میں ایران کے ساتھ کھڑے رہے۔ انہوں نے ایران کے عوام اور طبی عملے کی قربانیوں کو سراہا۔

آنچه در تصاویر برخی دوربین‌های مدار بسته ثبت می‌شود تنها گوشه ناچیزی از جانفشانی‌ها و فداکاری‌های فرزندان عزیز ایران است.
دختر عزیزم ندا سلیمی از شما و همه آنان که جانانه پای کار ایران ایستاده‌اند تشکر می‌کنم. pic.twitter.com/t36391Z7Uo

— Masoud Pezeshkian (@drpezeshkian) April 23, 2026