تہران: (رائیٹ ناوٴ نیوز)۔ ایرانی پارلیمان میں نیشنل سیکیورٹی کمیشن کے سربراہ ابراہیم عزیزی نے واضح کیا ہے کہ ایران نے اپنی ریڈ لائنز بتا دی ہیں، تاہم مذاکرات جاری رہیں گے۔

ابراہیم عزیزی نے الجزیرہ سے گفتگو کرتے ہوئے کہا کہ مذاکرات کا مطلب یہ نہیں کہ ایران ہر قیمت پر بات چیت کرے۔ ایران نے اپنی حدود واضح کردی ہیں اور ان کا احترام لازمی ہے۔ اسلام آباد میں مذاکراتی عمل میں شرکت امریکی مذاکراتی ٹیم اور مثبت پیغامات پر منحصر ہے۔

انہوں نے مزید کہا کہ لبنان میں جنگ بندی اور منجمد اثاثوں کی بحالی بنیادی شرائط میں شامل ہیں۔ اگر امریکا اور اسرائیل ان شرائط کا احترام نہ کریں تو اس کے نتائج ہوں گے۔ سابقہ وعدوں کی پاسداری نہ کی گئی تو اسے ایرانی شرائط کی عدم قبولیت سمجھا جائے گا۔

موجودہ صورتحال میں ایران بات چیت کی راہیں کھلی رکھے ہوئے ہے مگر اپنے اصولوں پر قائم ہے۔ مذاکرات کا عمل شرائط کی پاسداری پر منحصر ہے۔

واضح رہے کہ ایران نے ماضی میں بھی اپنے ریڈ لائنز واضح کی تھیں اور ان کے مطابق مذاکراتی عمل میں شرکت کی ہے۔ ایران کا اصرار ہے کہ اس کی شرائط کو مکمل تسلیم کیا جائے۔