روس نے یوکرین پر مہلک فضائی حملے میں 16 افراد کو ہلاک کیا، جن میں ایک 12 سالہ بچہ شامل ہے۔
کیف: (رائیٹ ناوٴ نیوز) روس نے یوکرین پر اس سال کا سب سے مہلک فضائی حملہ کیا ہے۔ اس حملے میں 16 افراد ہلاک ہوئے، جن میں ایک 12 سالہ بچہ بھی شامل ہے۔ یہ حملہ روس کی جانب سے اب تک کا سب سے مہلک قرار دیا جا رہا ہے۔
یوکرین کی وزارت دفاع کے مطابق، رات کے وقت کیے گئے حملے میں ملک بھر کے مختلف شہروں کو تقریباً 700 ڈرونز اور 19 بیلسٹک میزائل سے نشانہ بنایا گیا۔ اس حملے سے یوکرین کے دارالحکومت کیف کو سب سے زیادہ نقصان پہنچا۔
کیف کے میئر وٹالی کلیٹسکو نے کہا کہ حملے میں چار افراد ہلاک ہوئے، جن میں 12 سالہ بچہ بھی شامل ہے۔ انہوں نے مزید بتایا کہ ایک ڈرون 18 منزلہ عمارت سے ٹکرا گیا۔
علاقائی حکام نے اطلاع دی کہ اوڈیسا میں نو اور ڈنیپرو میں دو افراد ہلاک ہوئے جہاں ڈرونز نے رہائشی عمارتوں کو نشانہ بنایا۔ میکولائیو اور کھیرسن کے شہر بجلی سے محروم ہوگئے کیونکہ روسی حملوں نے توانائی کے بنیادی ڈھانچے کو تباہ کردیا۔
یاد رہے کہ روس اور یوکرین کے درمیان تنازعہ کئی برسوں سے جاری ہے، جس میں فضائی حملے اور عسکری کارروائیاں شامل ہیں۔
