تہران: (رائیٹ ناوٴ نیوز) ایرانی وزیر خارجہ عباس عراقچی نے کہا ہے کہ اسلام آباد معاہدہ ہونے والا تھا لیکن امریکا کا سخت رویہ رکاوٹ بن گیا۔

انہوں نے سماجی رابطے کی ویب سائٹ ایکس (X) پر جاری بیان میں کہا کہ امریکا سے 47 سالوں کے بعد اعلیٰ ترین سطح پر گہری بات چیت ہوئی۔ ایران نے جنگ کے خاتمے کیلئے نیک نیتی سے مذاکرات میں شرکت کی۔

ایرانی وزیر خارجہ نے مزید کہا کہ ہم اسلام آباد معاہدے سے چند انچ کے فاصلے پر تھے۔ امریکا نے زیادہ سے زیادہ حاصل کرنے کی کوشش کی اور اہداف بدلے۔

یہ بات چیت ایران اور امریکا کے درمیان تعلقات کی بحالی کے لیے اہم تھی لیکن امریکی رویہ نے صورتحال کو پیچیدہ بنا دیا۔

یاد رہے کہ ایران اور امریکا کے درمیان 1979 کے بعد سے سفارتی تعلقات منقطع ہیں اور یہ بات چیت تعلقات کی بحالی کا ایک موقع تھا۔