اسلام آباد: (رائیٹ ناوٴ نیوز) ڈپٹی کمشنر اسلام آباد عرفان نواز میمن نے شہر میں کاروباری مراکز کھولنے کی اجازت دے دی۔

ڈپٹی کمشنر نے نجی ٹی وی سے گفتگو کرتے ہوئے کہا کہ ایکسپریس وے پر لگنے والے روٹ کے علاوہ شہر بھر میں کاروباری مراکز کھولنے کی اجازت دے دی گئی ہے۔

حکام کے مطابق تمام دکانیں اور مارکیٹیں معمول کے مطابق کاروباری سرگرمیاں جاری رکھ سکتی ہیں۔

یہ فیصلہ غیرملکی مہمانوں کی موجودگی کے باعث دکانیں اور مارکیٹیں بند رکھنے کی ہدایت کے بعد لیا گیا تھا۔

واضح رہے کہ اسلام آباد میں حالیہ دنوں میں غیرملکی مہمانوں کی آمد کی وجہ سے سیکیورٹی کے پیش نظر کاروباری سرگرمیاں محدود کر دی گئی تھیں۔