اسلام آباد: (رائیٹ ناوٴ نیوز) وزیراعظم شہباز شریف نے کہا ہے کہ ایران اور امریکا کے نمائندے پاکستان پہنچ چکے ہیں اور آج اسلام آباد میں مذاکرات کریں گے۔ انہوں نے قوم سے خطاب کرتے ہوئے کہا کہ پاکستانی قیادت نے بڑی مہارت سے دونوں فریقوں کو عارضی جنگ بندی پر راضی کیا۔

وزیراعظم نے بتایا کہ عارضی جنگ بندی کا اعلان ہو چکا ہے اور اب دیرپا امن کے لیے کوششیں جاری ہیں۔ انہوں نے فیلڈ مارشل عاصم منیر اور وزیر خارجہ اسحاق ڈار کی کوششوں کی تعریف کی۔

اس موقع پر وزیراعظم نے واضح کیا کہ فیلڈ مارشل عاصم منیر نے جنگ کے شعلے بجھانے اور مذاکرات کے لیے دونوں فریقوں کو راضی کرنے میں اہم کردار ادا کیا۔

وزیراعظم نے امید ظاہر کی کہ اگر مذاکرات کامیاب ہوتے ہیں تو بے شمار معصوم زندگیوں کو بچایا جا سکے گا۔ پاکستان ان مذاکرات کی کامیابی کے لیے ہر ممکن کوشش کرے گا۔

واضح رہے کہ امریکا اور ایران کے درمیان مذاکرات کی کامیابی یا ناکامی کا فیصلہ جلد سامنے آ جائے گا۔ ترجمان دفتر خارجہ نے امید ظاہر کی کہ فریقین تعمیری انداز میں مذاکرات کو آگے بڑھائیں گے۔