لندن: (رائیٹ ناوٴ نیوز) برطانیہ نے شمالی بحرِ اوقیانوس میں 3 روسی سب میرینز کی خفیہ سرگرمیاں بے نقاب کر دیں۔ برطانوی نیوی نے ان سب میرینز کی ایک ماہ تک نگرانی کی۔

برطانوی حکام نے بتایا کہ یہ روسی سب میرینز زیرِ سمندر انٹرنیٹ کیبلز اور توانائی پائپ لائنز کے قریب دیکھی گئیں۔ برطانوی وزیر دفاع نے کہا کہ برطانیہ اور اتحادی افواج نے بروقت کارروائی کر کے ممکنہ نقصان کو ٹال دیا۔

وزیر دفاع کے مطابق، روسی سرگرمیوں سے عالمی مواصلاتی نظام کو خطرہ لاحق ہو سکتا تھا۔ حکام نے کہا کہ اس واقعے کے بعد برطانیہ اور روس کے درمیان سمندری کشیدگی میں اضافہ ہوا ہے۔

خبروں کے مطابق، روسی جنگی جہاز پابندی زدہ آئل ٹینکرز کو اسکورٹ کر رہے ہیں۔ کریملن نے ردعمل میں کہا کہ ہمیں اپنی بحری حدود اور مفادات کے دفاع کا حق حاصل ہے۔

یاد رہے کہ برطانوی نیوی نے پہلے بھی روسی سرگرمیوں کی نگرانی کی ہے، جس سے دونوں ممالک کے درمیان کشیدگی بڑھتی رہی ہے۔