تہران: (رائیٹ ناوٴ نیوز)۔ ایرانی صدر مسعود پزشکیان نے اعلان کیا ہے کہ ایران امریکا اور اسرائیل کے ساتھ جنگ ختم کرنے پر تیار ہے، لیکن شرط یہ ہے کہ تنازع دوبارہ شروع نہ ہو۔

خلیجی نیوز چینل کے مطابق، ایرانی صدر نے یورپی کونسل کے صدر انتونیو کوستا سے ٹیلیفونک گفتگو میں یہ بات کہی۔ انہوں نے ایرانی عوام کے اتحاد کی تعریف کی۔

ایرانی وزیر خارجہ عباس عراقچی نے کہا کہ ایران مکمل جنگ بندی نہیں بلکہ جامع خاتمہ چاہتا ہے۔ امریکی نمائندہ خصوصی کے پیغامات آ رہے ہیں، لیکن باضابطہ مذاکرات نہیں ہو رہے۔

ایرانی پاسدارانِ انقلاب نے خبردار کیا کہ اگر ایرانی قیادت کو نشانہ بنایا گیا تو امریکی کمپنیوں کے خلاف کارروائی ممکن ہے۔

واضح رہے کہ ایران نے پورے خطے میں جنگ کے خاتمے کی خواہش کا اظہار کیا ہے، جبکہ امریکا نے آبنائے ہرمز سے اپنی فوجوں کے انخلا کا عندیہ دیا ہے۔