بیجنگ: (رائیٹ ناوٴ نیوز) چین اور پاکستان عالمی تنازعات پر متفقہ موقف رکھتے ہیں۔ دونوں ممالک کے وزرائے خارجہ ایران کی صورتحال پر بات چیت کریں گے۔

چینی دفتر خارجہ کی ترجمان نے پریس بریفنگ میں کہا کہ دونوں ممالک امن اور انصاف پر یقین رکھتے ہیں اور امن کے فروغ کے لیے کردار ادا کریں گے۔ انہوں نے امریکہ اور اسرائیل پر زور دیا کہ فوری طور پر حملے روک دیں۔

ترجمان نے کہا کہ ایران میں تاریخی مقامات کی تباہی پر چین کو افسوس ہے اور ایٹمی تنصیبات پر حملوں کی مذمت کرتا ہے۔ حال ہی میں تین چینی جہاز آبنائے ہرمز سے گزرے ہیں اور فریقین سے تحمل کی اپیل کی گئی ہے۔

یہ بھی کہا گیا کہ چین کشیدگی کو بڑھنے سے روکنے کے لیے تعمیری کوششیں جاری رکھے گا اور امن کی بحالی میں سرگرم رہے گا۔

واضح رہے کہ چین اور پاکستان کا دوستی کا رشتہ کئی دہائیوں پر محیط ہے، جس میں عالمی مسائل پر یکساں موقف رکھنا اہمیت کا حامل ہے۔