تہران: (رائیٹ ناوٴ نیوز)۔ ایران کے وزیرِ خارجہ عباس عراقچی نے سعودی عرب سے مطالبہ کیا ہے کہ امریکی افواج کو خطے سے نکالا جائے۔ انہوں نے کہا ہے کہ وقت آ گیا ہے کہ خطے میں موجود امریکی افواج کو واپس بھیجا جائے۔

عباس عراقچی نے ایکس (X) پر بیان دیتے ہوئے کہا کہ ایران سعودی عرب کو ایک برادر ملک سمجھتا ہے اور اس کا احترام کرتا ہے۔ ان کا کہنا تھا کہ ایران کی کارروائیاں دشمن کے خلاف ہیں جو نہ عربوں کا احترام کرتے ہیں نہ ایرانیوں کا۔

Iran respects the Kingdom of Saudi Arabia and considers it a brotherly nation.

Our operations are aimed at enemy aggressors who have no respect for Arabs or Iranians, nor can provide any security. Just look at what we did to their aerial command.

High time to eject U.S. forces. pic.twitter.com/yYNBpebN8i

— Seyed Abbas Araghchi (@araghchi) March 30, 2026

ایرانی وزیر خارجہ نے ٹرمپ کی پالیسی پر تنقید کرتے ہوئے کہا کہ ٹرمپ آبنائے ہرمز کھولے بغیر جنگ کا خاتمہ چاہتے ہیں۔ امریکی اخبار نے اس حوالے سے دعویٰ کیا ہے کہ ٹرمپ جنگ ختم کرنے کے خواہاں ہیں۔

عباس عراقچی نے ایک تصویر بھی شیئر کی جو بظاہر ایک تباہ شدہ طیارے کی ہے جس پر امریکی فضائیہ کے نشان موجود ہیں۔ انہوں نے لکھا کہ دیکھیں ہم نے ان کے فضائی کمانڈ کے ساتھ کیا کیا۔ تاہم امریکی سینٹرل کمانڈ نے اس پر کوئی عوامی تبصرہ نہیں کیا ہے۔

واضح رہے کہ ایران اور امریکہ کے درمیان کشیدگی کی تاریخ طویل ہے۔ دونوں ممالک کے درمیان اس نوعیت کے بیانات معمول کی بات ہیں۔