اسلام آباد: (رائیٹ ناوٴ نیوز)نائب وزیراعظم اسحاق ڈار نےچار ملکی وزرائے خارجہ اجلاس کے بعد بیان میں کہا ہے کہ اقوام متحدہ کے منشور کے تحت تمام ملکوں کی سلامتی اور خودمختاری کا احترام کیا جانا چاہیے۔ انہوں نے کہا کہ خطے میں جاری کشیدگی کسی کے مفاد میں نہیں اور موجودہ حالات میں سفارت کاری ہی آگے بڑھنے کا مؤثر راستہ ہے۔

اسلام آباد میں منعقدہ اجلاس مشرق وسطیٰ میں بڑھتی ہوئی کشیدگی کم کرنے، صورتحال کا جائزہ لینے اور مشترکہ سفارتی حکمت عملی پر مشاورت کے لیے بلایا گیا تھا۔

اجلاس میں سعودی عرب، ترکیہ اور مصر کے وزرائے خارجہ نے شرکت کی، جبکہ پاکستان کی جانب سے نائب وزیراعظم اسحاق ڈار نے نمائندگی کی۔ اسحاق ڈار کے مطابق اجلاس میں خطے کی بدلتی ہوئی صورتحال پر تفصیلی تبادلہ خیال کیا گیا اور مسلم امہ کے اتحاد کی اہمیت پر زور دیا گیا۔

انہوں نے کہا کہ وزیراعظم شہباز شریف کی قیادت میں پاکستان علاقائی اور عالمی امن کے لیے بھرپور کردار ادا کر رہا ہے۔ ان کے مطابق پاکستان ایران اور امریکا کے درمیان مذاکراتی ماحول پیدا کرنے کے لیے کوششیں کر رہا ہے، جبکہ چین بھی پاکستان کے تعمیری کردار کی حمایت کر رہا ہے۔

اجلاس کے موقع پر اسحاق ڈار نے ترکیہ کے وزیر خارجہ ہاکان فدان اور مصر کے وزیر خارجہ بدر عبدالعاطی سے علیحدہ علیحدہ ملاقاتیں بھی کیں۔ ان ملاقاتوں میں کشیدگی کم کرنے، سفارتی روابط بڑھانے اور امن و استحکام کے لیے مشترکہ کوششوں پر بات چیت ہوئی۔

واضح رہے کہ اسلام آباد کا یہ اجلاس مشرق وسطیٰ میں حالیہ کشیدگی کے تناظر میں منعقد ہوا۔ یاد رہے کہ 19 مارچ 2026 کو ریاض میں بھی متعلقہ ممالک کے درمیان اعلیٰ سطحی مشاورت ہوئی تھی، جسے موجودہ رابطوں کا تسلسل قرار دیا جا رہا ہے۔

اسلام آباد میں آج سعودی عرب، مصر اور ترکیہ کے وزرائے خارجہ مشرق وسطیٰ کی کشیدگی پر اہم اجلاس میں شرکت کر رہے ہیں۔ یہ اجلاس خطے میں کشیدگی کم کرنے کے لیے منعقد کیا گیا ہے۔

پاکستان کی میزبانی میں جاری اس چار فریقی مذاکرات میں سعودی وزیر خارجہ فرحان بن فیصل بھی شریک ہیں جو خصوصی طیارے کے ذریعے اسلام آباد پہنچے۔ اس اجلاس کی اہمیت اس لیے بھی زیادہ ہے کہ یہ مشرق وسطیٰ میں جاری حالیہ کشیدگی کے تناظر میں ہو رہا ہے۔

نائب وزیر اعظم اسحاق ڈار نے ترکیہ کے وزیر خارجہ ہاکان فدان اور مصری وزیر خارجہ ڈاکٹر بدر عبدالعاطی سے علیحدہ علیحدہ ملاقاتیں کی ہیں۔ ان ملاقاتوں میں خطے کی کشیدہ صورتحال پر بات چیت کی گئی۔

یہ اجلاس خطے میں امن و استحکام کے لیے مذاکرات اور سفارتی روابط کی اہمیت کو اجاگر کرتا ہے۔ اس کے علاوہ دونوں ممالک کے درمیان اقتصادی تعاون بڑھانے کی ضرورت پر بھی زور دیا گیا ہے۔

یاد رہے کہ پاکستان اور مصر کے درمیان حالیہ اعلیٰ سطحی روابط کا تسلسل ہے، جس میں 19 مارچ 2026 کو ریاض میں ہونے والی ملاقاتیں بھی شامل ہیں۔ یہ دونوں ممالک کے درمیان قریبی ہم آہنگی کا مظہر ہے۔