تہران: (رائیٹ ناوٴ نیوز) ایرانی پارلیمنٹ کے اسپیکر محمد باقر قالیباف نے کہا ہے کہ اسرائیل کی حکومت اور فوج زوال کی جانب بڑھ رہی ہیں۔ انہوں نے مزید کہا کہ ایران اس عمل کو تیزی سے آگے بڑھانے کی کوشش کرے گا۔

باقر قالیباف نے سوشل میڈیا پر اسرائیلی فوج کے سربراہ کے بیان کا ذکر کرتے ہوئے واضح کیا کہ اسرائیلی فوج کمزوری کا شکار ہو سکتی ہے۔ اسرائیلی میڈیا کے مطابق فوج کے سربراہ لیفٹیننٹ جنرل ایال ضمیر نے 10 خطرات کی نشاندہی کی تھی۔

قالیباف نے کہا کہ اسرائیل ایران کے صنعتی بنیادی ڈھانچے پر حملے کر کے کشیدگی میں اضافہ کر رہا ہے۔ انہوں نے اپنی کابینہ اور فوج کا اعتماد بحال کرنے کی کوشش کی ہے۔

انہوں نے ایران کی جوابی کارروائیوں کو فیصلہ کن قرار دیا اور کہا کہ ان اقدامات سے اسرائیلی حکومت اور فوج کا زوال تیز ہو گا۔

واضح رہے کہ مشرقِ وسطیٰ میں جاری جنگ کو ایک ماہ مکمل ہو چکا ہے، جس میں ایران نے آبنائے ہرمز کی بندش سمیت خطے میں حملے جاری رکھے ہیں۔