اسلام آباد: (رائیٹ ناوٴ نیوز)۔ پاکستان میں تعینات سعودی سفیر نواف بن سعید المالکی نے کہا ہے کہ ایرانی اقدامات خلیجی ریاستوں کے خلاف جارحیت ہیں۔ انہوں نے مشرق وسطیٰ کی صورتحال اور پاکستان کی امن کوششوں پر روشنی ڈالی۔

سعودی سفیر کا کہنا تھا کہ ایرانی حملے خلیجی ممالک کے لیے تشویش کا باعث ہیں۔ خلیجی ممالک کسی تنازع کا حصہ نہیں بننا چاہتے۔ انہوں نے مزید بتایا کہ ایران جنگ نہیں چاہتا، بلکہ تنازع کا مستقل خاتمہ چاہتا ہے۔

انہوں نے کہا کہ ایرانی حملے بین الاقوامی قوانین اور اقوام متحدہ کے منشور کے خلاف ہیں۔ ان حملوں میں رہائشی علاقوں، شہری تنصیبات اور ہوائی اڈوں کو نشانہ بنایا گیا ہے۔

سعودی سفیر نے کہا کہ خطرات آبنائے ہرمز تک پھیل رہے ہیں جو عالمی مفادات اور توانائی کی سلامتی سے وابستہ ہے۔ یہ خطرہ علاقائی نہیں بلکہ عالمی انسانی مسئلہ بن جاتا ہے۔

واضح رہے کہ پاکستان کے اقدامات بحران کے پرامن حل کی کوششوں کے عکاس ہیں اور یہ اقدامات علاقائی امن کے لیے پاکستان کے مثبت کردار کو اجاگر کرتے ہیں۔