بیجنگ: (رائیٹ ناوٴ نیوز) چین نے مشرق وسطیٰ میں جاری تنازع پر فوری طور پر فوجی کارروائیاں روکنے کا مطالبہ کیا ہے۔ چینی وزارت خارجہ کے ترجمان نے کہا کہ تمام فریقین کو مذاکرات کی میز پر واپس آنا چاہیے۔ اگر فوجی کارروائیاں جاری رہیں تو خطے میں افراتفری پھیل سکتی ہے۔ ترجمان نے مزید کہا کہ طاقت کا استعمال خطرناک تسلسل پیدا کر رہا ہے، جبکہ مسئلے کا حل صرف سفارت کاری اور مذاکرات کے ذریعے ہی ممکن ہے۔

چین نے خطے میں امن و استحکام کو یقینی بنانے کے لیے فوری اقدامات پر زور دیا۔