لندن: (رائیٹ ناوٴ نیوز) یوٹیوب پر سب سے پہلی اپ لوڈ ہونے والی ویڈیو، جو جاوید کریم نے 23 اپریل 2005 کو سان ڈیاگو زو میں ریکارڈ کی تھی، اب لندن کے وکٹوریہ اینڈ البرٹ میوزیم کا حصہ بن گئی ہے۔ یہ ویڈیو 19 سیکنڈ کی تھی اور اب تک 32 کروڑ سے زائد بار دیکھی جا چکی ہے۔

میوزیم کے ترجمان نے بتایا کہ انہوں نے یوٹیوب کے ابتدائی ویب پیج اور اس پہلی ویڈیو کو خریدا ہے۔ اس ویڈیو کو میوزیم میں ایک نمائش کے دوران پیش کیا گیا ہے، جہاں اسے دیکھنے کے لیے ایک منی ڈسپلے بھی فراہم کیا گیا ہے۔

میوزیم نے اس ویڈیو کے ابتدائی واچ پیج ڈیزائن کو تیار کرنے کے لیے یوٹیوب کی ٹیم اور ایک ڈیزائن اسٹوڈیو کے ساتھ شراکت داری کی تھی۔