ڈھاکا: (رائیٹ ناوٴ نیوز) بنگلا دیش کے معروف طالب علم رہنما شریف عثمان ہادی کے قتل کے بعد ملک بھر میں بدامنی پھیل گئی۔ ہادی، جو انقلابی منچا پلیٹ فارم کے ترجمان اور عام انتخابات کے امیدوار تھے، کو ڈھاکا میں انتخابی مہم کے دوران نقاب پوش حملہ آوروں نے فائرنگ کر کے شدید زخمی کر دیا تھا۔ علاج کے لیے سنگاپور لے جائے جانے کے بعد وہ جمعرات کو دم توڑ گئے۔

ہادی کی موت کے بعد ڈھاکا اور دیگر شہروں میں بھارت مخالف مظاہرے شروع ہو گئے۔ مشتعل مظاہرین نے مختلف اخبارات کے دفاتر پر حملے کیے اور ان میں توڑ پھوڑ کی۔ راجشاہی میں عوامی لیگ کے دفتر کو بھی نذر آتش کر دیا گیا۔

عبوری حکومت کی جانب سے ہفتے کو یومِ سوگ منانے کا اعلان کیا گیا ہے۔ وزیر اعظم شیخ حسینہ کے آبائی گھر کو بھی نذر آتش کیا گیا، جبکہ چٹاگانگ میں بھارتی اسسٹنٹ ہائی کمیشن پر حملہ کیا گیا۔ محمد یونس نے قوم سے خطاب میں شفاف تحقیقات کا وعدہ کیا اور عوام سے تحمل کی اپیل کی۔