کراچی: (رائیٹ ناوٴ نیوز) وفاقی وزیر صحت مصطفیٰ کمال نے کہا ہے کہ کراچی معاشی بحران کے حل کے لیے آئی ایم ایف پر انحصار کرنے کی بجائے خود انحصاری اختیار کرے۔

پریس کانفرنس کے دوران مصطفیٰ کمال نے کہا کہ کراچی کی موجودہ صورتحال سے وہ بخوبی واقف ہیں اور یہ شہر سینٹرل ایشیا کا گیٹ وے ہے۔ شہر میں 90 فیصد شہری پینے کا پانی خریدنے پر مجبور ہیں جبکہ پانی چوری کرکے انہیں ہی بیچا جاتا ہے۔

ان کا کہنا تھا کہ کراچی کو دودھ دینے والی گائے سمجھا جاتا ہے، اسے چارہ بھی دیا جائے۔ کراچی کی ترقی سے ہی پاکستان ترقی کرے گا۔ انہوں نے بطور میئر کراچی 30 ہزار کروڑ کے ترقیاتی کام کرائے اور ان پر کرپشن کا کوئی الزام ثابت نہیں ہوا۔

مصطفیٰ کمال نے مزید کہا کہ ایم کیو ایم واحد پارٹی ہے جس نے اپنا لیڈر خود فارغ کیا۔ ملک کی ترقی کے لیے مقامی حکومتوں کا مضبوط نظام ضروری ہے۔

انہوں نے این ایف سی ایوارڈ کے پیسوں کے بارے میں بات کرتے ہوئے کہا کہ چاروں صوبوں کے وزرائے اعلیٰ اضلاع کو پیسے نہیں دیتے، ڈسٹرکٹ کے پیسے براہ راست دیے جائیں۔