پشاور: (رائیٹ ناوٴ نیوز) خیبر پختونخوا کے ضلع ہری پور میں ضمنی انتخاب کے باعث 22 اور 24 نومبر کو مقامی تعطیلات کا اعلان کیا گیا ہے۔ تمام سرکاری و نجی اسکول بند رہیں گے۔

ضلعی انتظامیہ نے حلقہ این اے 18 میں ضمنی انتخاب کی وجہ سے ان تعطیلات کا اعلان کیا۔ انتخابی سرگرمیوں کے دوران ناخوشگوار صورتحال سے بچنے کے لیے یہ اقدام اٹھایا گیا ہے۔ حلقے میں ضمنی انتخاب 23 نومبر کو ہوگا۔

مزید برآں، بلوچستان کے سرد علاقوں میں سرکاری اسکول 16 دسمبر سے ڈھائی ماہ کے لیے بند رہیں گے، جبکہ پنجاب میں موسم سرما کی تعطیلات 23 دسمبر 2025 سے 11 جنوری 2026 تک ہوں گی۔