اسلام آباد: (رائیٹ ناؤنیوز) پاکستان ٹیلی کمیونیکیشن اتھارٹی (پی ٹی اے) نے وائرل انتباہی پیغام کو جعلی قرار دیا ہے۔ یہ پیغام سوشل میڈیا پر 7080507-051 نمبر سے متعلق گردش کر رہا تھا۔

پیغام میں دعویٰ کیا گیا تھا کہ مذکورہ نمبر سے کال موصول کرنے پر موبائل ڈیٹا چوری ہوسکتا ہے۔ پیغام کے مطابق نمبر سے منسلک سافٹ ویئر 5 سے 7 سیکنڈ میں ڈیٹا حاصل کر سکتا ہے۔

پی ٹی اے نے وضاحت کی ہے کہ ایسا کوئی انتباہ جاری نہیں کیا گیا اور سوشل میڈیا پر گردش کرنے والے پیغام کا اتھارٹی سے کوئی تعلق نہیں۔

یہ وضاحت ایسے وقت میں آئی ہے جب ملک میں سائبر فراڈ اور آن لائن جعلی معلومات کے حوالے سے عوامی تشویش بڑھ رہی ہے۔

یاد رہے کہ پی ٹی اے نے عوام کو مشورہ دیا ہے کہ غیرمصدقہ معلومات پر اعتماد نہ کریں اور مستند معلومات کے لیے پی ٹی اے کے سرکاری سوشل میڈیا اکاؤنٹس سے رجوع کریں۔