اسلام آباد: (رائیٹ ناؤ نیوز) ایف بی آر کے 16 افسران کے پاس غیرملکی شہریت ہونے کا انکشاف ہوا ہے۔ ان افسران میں ان لینڈ ریونیو سروسز کے 10 اور کسٹمز سروس کے 6 افسران شامل ہیں۔

دستاویزات کے مطابق، گریڈ 20 کے 10 افسران کے پاس دوہری شہریت اور گرین کارڈز ہیں۔ گریڈ 19 کے 5 افسران بھی دہری شہریت کے حامل ہیں۔

رولز 2026 کے تحت، تمام سرکاری افسران اپنی غیرملکی شہریت ظاہر کرنے کے پابند ہیں۔ حکام نے افسران کو اپنی شہریت کی تفصیلات جمع کرانے کا کہا ہے۔

ان افسران کو 8 جولائی تک دہری شہریت کی تفصیلات جمع کرانے کی ہدایت کی گئی تھی۔ متعدد افسران نے مقررہ مدت کے باوجود ڈکلیئریشن جمع نہیں کرایا۔

یاد رہے کہ دہری شہریت رکھنے والے سرکاری افسران کو قوانین کے تحت اپنی شہریت ظاہر کرنا ضروری ہے۔ انکشاف کے بعد مزید کارروائی کی توقع کی جا رہی ہے۔