واشنگٹن: (رائیٹ ناؤ نیوز) امریکی سینٹرل کمانڈ نے اعلان کیا ہے کہ امریکی افواج نے یکم ستمبر کو ایران کے فوجی اہداف پر حملوں کا تازہ مرحلہ مکمل کرلیا ہے۔ ان حملوں میں پاسداران انقلاب کے فضائی دفاعی مراکز اور بحری تنصیبات کو نشانہ بنایا گیا۔

حملوں کی وجہ سے ایران میں 4 سالہ بچے سمیت کئی افراد کی ہلاکت ہوئی۔ ایرانی ریڈ کریسنٹ کے مطابق امریکا نے آبنائے ہرمز کے قریب ایک شادی کی تقریب پر حملہ کیا جس سے 5 افراد جاں بحق ہوئے۔

امریکی فوج نے کہا ہے کہ یہ کارروائیاں پاسداران انقلاب کی حالیہ مبینہ کارروائیوں کے بعد کی گئی ہیں۔ مشرق وسطیٰ میں 50 ہزار سے زائد امریکی فوجی تعینات ہیں جو مزید کارروائیوں کے لیے تیار ہیں۔

واضح رہے کہ ایران نے بھی جوابی کارروائی کرتے ہوئے اردن اور عراق میں امریکی تنصیبات کو نشانہ بنانے کا دعویٰ کیا ہے۔ اردن نے 13 بیلسٹک میزائلوں میں سے 10 کو مار گرایا جبکہ 3 دور دراز علاقوں میں گرے۔

یاد رہے کہ امریکی صدر نے کہا ہے کہ امریکا کو آبنائے ہرمز پر مکمل کنٹرول حاصل ہے اور ایران کی معیشت تیزی سے تباہ ہورہی ہے۔ ایران نے مزید شدید جوابی کارروائی کی دھمکی دی ہے۔