پاکستان میں لا نینیا کے کمزور اثرات سے خشک سردی کا امکان ہے، محکمہ موسمیات نے کسانوں کو خبردار کیا۔
اسلام آباد: (رائیٹ ناوٴ نیوز) پاکستان میں اس سال معمول کی سردی متوقع ہے، لیکن پاکستان محکمہ موسمیات کے مطابق یہ زیادہ خشک ہوگی۔
محکمہ موسمیات کے تازہ ترین موسمی جائزے کے مطابق، لا نینیا کے کمزور اثرات ملک میں درجہ حرارت، بارش اور موسمی نظامات کو متاثر کریں گے۔
چیف میٹرولوجسٹ ڈاکٹر افضال نے بتایا کہ لا نینیا کے اثرات پاکستان میں کمزور رہیں گے اور یہ شدید سردی کا باعث نہیں بنیں گے۔
پیش گوئی کے مطابق شمالی پنجاب، کشمیر، گلگت بلتستان اور بالائی خیبر پختونخوا میں ابتدائی مہینوں میں بارش معمول سے کم ہوگی۔
تاہم، جنوری کے بعد مغربی ہوائیں زیادہ بارش اور برفباری کا باعث بن سکتی ہیں، جو سردی کی لہر کو بڑھا سکتی ہیں۔
