کراچی: (رائیٹ ناؤنیوز) چیٹ جی پی ٹی، جو دنیا کا معروف آرٹیفیشل انٹیلی جنس (AI) اسسٹنٹ ہے، میں ایک نیا فیچر متعارف کرایا جا رہا ہے۔ اس فیچر کا مقصد صارفین کی حساس معلومات کی حفاظت کو بہتر بنانا ہے۔

اینڈرائیڈ اتھارٹی کی رپورٹ کے مطابق، چیٹ جی پی ٹی کی اینڈرائیڈ ایپ میں ایک نیا فیچر شامل کیا جا رہا ہے۔ اس فیچر کے تحت صارفین اپنی چیٹس کو پن کوڈ یا فنگر پرنٹ اسکین سے لاک کر سکیں گے۔

فیچر کی موجودگی سے صارفین اپنی حساس تفصیلات کو محفوظ کر سکیں گے۔ رپورٹ میں بتایا گیا کہ لاک شدہ چیٹس کا مواد سائیڈ بار، ہسٹری اور سرچ رزلٹس میں نظر نہیں آئے گا۔

اس اپ ڈیٹ کا مقصد کمپنی کے نئے AI فیچرز کو زیادہ سے زیادہ صارفین تک پہنچانا ہے۔ یہ فیچر صارفین کی سکیورٹی میں اہم کردار ادا کرے گا۔

یاد رہے کہ چیٹ جی پی ٹی میں پہلے سے ہی عارضی چیٹس کا فیچر دستیاب ہے۔ تاہم، لاک چیٹس کے ذریعے حساس تفصیلات کو زیادہ وقت تک محفوظ رکھا جا سکے گا۔