امریکہ: (رائیٹ ناؤ نیوز) ناسا نے اپنی خلائی دوربین سوئفٹ آبزرویٹری کو بچانے کی کوشش ترک کر دی ہے۔ دوربین کے رواں سال کے آخر میں زمین پر گرنے کا خدشہ ہے۔

ناسا نے تقریباً 3 کروڑ ڈالر کی لاگت سے دوربین کو محفوظ مدار میں منتقل کرنے کا منصوبہ بنایا تھا۔ تاہم، ریسکیو مشن کے لیے بھیجا گیا خلائی جہاز بے قابو ہو گیا۔

خلائی جہاز کی سمت درست کرنے کی کوشش کی گئی لیکن ناکامی پر ناسا نے مشن منسوخ کر دیا۔ دوربین کی زمین پر واپسی کی حتمی تاریخ اور مقام ابھی تک معلوم نہیں ہو سکے۔

یہ مشن ناسا کے لیے اہم تھا تاکہ دوربین کی بے قابو واپسی کو روکا جا سکے۔ تاہم، یہ مشن ناکام رہا جس کا اثر سائنسی تحقیق پر پڑے گا۔

واضح رہے کہ سوئفٹ آبزرویٹری 2004 میں لانچ کی گئی تھی اور اس نے 21 سال تک خدمات انجام دیں۔ حالیہ سورج کی سرگرمیوں نے اس کی زمین پر واپسی کو ناگزیر بنا دیا ہے۔