تہران: (رائیٹ ناؤ نیوز) ایرانی وزیر خارجہ عباس عراقچی نے فیلڈ مارشل سید عاصم منیر سے ٹیلیفون پر رابطہ کیا۔ اس گفتگو میں خطے کی موجودہ صورتحال اور کشیدگی کے خاتمے کے لیے سیاسی و سفارتی راستے تلاش کرنے پر بات چیت ہوئی۔

ایرانی میڈیا کے مطابق، گزشتہ روز ہونے والی گفتگو میں دونوں رہنماؤں نے حالیہ سفارتی پیش رفت کا جائزہ لیا اور مختلف سفارتی اقدامات سے متعلق اپنے مؤقف اور آرا کا تبادلہ کیا۔

ٹیلیفونک رابطے کے دوران علاقائی صورتحال کے مختلف پہلوؤں پر بھی بات ہوئی۔ موجودہ حالات کے ممکنہ اثرات اور ان سے نمٹنے کے لیے باہمی مشاورت کی اہمیت پر تبادلہ خیال کیا گیا۔

رپورٹ کے مطابق، عباس عراقچی اور فیلڈ مارشل عاصم منیر نے دوطرفہ رابطوں اور تعاون کو مزید مؤثر بنانے کے امکانات پر بھی گفتگو کی۔

واضح رہے کہ دونوں جانب سے سیاسی اور سفارتی ذرائع سے مسئلے کے حل کے لیے جاری کوششوں کو آگے بڑھانے اور باہمی مشاورت کے عمل کو مضبوط بنانے پر اتفاق رائے کا اظہار کیا گیا۔