تہران: (رائیٹ ناؤ نیوز) ایران نے کرد وزیراعظم مسرور برزانی کے دفتر پر ڈرون حملے کو فالس فلیگ آپریشن قرار دیا ہے۔ ایرانی وزیرخارجہ عباس عراقچی نے کہا کہ حملے کا کوئی جواز پیش نہیں کیا جا سکتا۔

عباس عراقچی نے عراقی ہم منصب کو ٹیلی فون پر بتایا کہ یہ حملہ ایرانی سرزمین سے کیے جانے کا کوئی ثبوت نہیں ہے۔ انہوں نے کہا کہ فالس فلیگ آپریشن کے ذریعے نفرت کے بیج بونے کی کوشش کی جا رہی ہے۔

ایرانی وزیرخارجہ نے مزید کہا کہ ایران نے کرد دوستوں کو صدام اور داعش سے محفوظ رکھا ہے۔ انہوں نے کرد دوستوں کی سرحدی سکیورٹی کی فراہم کردہ خدمات پر شکریہ ادا کیا۔

عباس عراقچی نے کہا کہ ایران ہمیشہ کرد علاقوں کی حفاظت کے لیے کوشش کرتا رہا ہے۔ اس واقعے سے تعلقات متاثر نہیں ہونے چاہئیں۔

یاد رہے کہ عراق کے کردستان علاقے میں پیر کو وزیراعظم مسرور برزانی اور انٹیلی جنس چیف کے گھر پر ڈرون حملے کیے گئے تھے، تاہم کوئی جانی نقصان نہیں ہوا۔