اسلام آباد: (رائیٹ ناؤ نیوز) سابق کپتان شاہد آفریدی کا پالتو کتا میکس اسلام آباد سے لاپتہ ہونے کے بعد مل گیا ہے۔ شاہد آفریدی نے سوشل میڈیا پر میکس کی واپسی پر خوشی کا اظہار کیا اور مدد کرنے والوں کا شکریہ ادا کیا ہے۔

آفریدی نے کہا ہے کہ میکس محفوظ ہے اور ان تمام لوگوں کا شکریہ جنہوں نے میکس کی گمشدگی کی پوسٹ کو لائیک، کمنٹ اور شیئر کیا۔ انہوں نے کہا کہ ان کی مدد کے بغیر میکس کی واپسی ممکن نہیں تھی۔

واضح رہے کہ شاہد آفریدی نے میکس کی ویڈیو شیئر کرتے ہوئے بتایا تھا کہ جب میکس ان کی زندگی میں آیا تو وہ 30 سے 35 دن کا ننھا پپی تھا۔ اسے گھر کے فرد کی طرح محبت اور توجہ سے پالا گیا۔

اس سے قبل وسیم اکرم کا پالتو کتا کراچی میں گم ہوگیا تھا اور 2 لاکھ 50 ہزار روپے کے انعام کے اعلان کے بعد تلاش کر لیا گیا تھا۔

یاد رہے کہ مشہور شخصیات کے پالتو جانوروں کی گمشدگی اکثر مداحوں کی توجہ کا مرکز بنتی ہے۔