اسلام آباد: (رائیٹ ناؤ نیوز) راولپنڈی اور اسلام آباد میں رات گئے ہونے والی موسلادھار بارش نے شہر کو متاثر کیا۔ جی 6 کے انڈر پاسز بارش کے پانی سے بھر گئے۔

محکمہ موسمیات نے اسلام آباد، پنجاب، خیبرپختونخوا، شمال مشرقی بلوچستان، گلگت بلتستان اور کشمیر کے بعض علاقوں میں شدید بارش کی پیشگوئی کی ہے۔ راولپنڈی کے چھٹہ بختاور میں سڑکیں تالاب کا منظر پیش کر رہی ہیں۔

وفاقی وزراء کو متاثرہ علاقوں میں بحالی کا کام شروع کرنے کی ہدایت دی گئی ہے۔ راولپنڈی میں رین ایمرجنسی نافذ کر دی گئی ہے اور واسا کا عملہ تعینات ہے۔

نالہ لئی کی سطح 19 فٹ تک پہنچ گئی ہے، ملحقہ آبادی کے لیے الرٹ جاری کر دیا گیا ہے۔ سید پور میں 85 ملی میٹر، گولڑہ میں 75 ملی میٹر بارش ریکارڈ کی گئی ہے۔

یاد رہے کہ دریائے سندھ میں کالاباغ پر درمیانے درجے کا سیلاب ہے جبکہ تربیلا ڈیم اور دیگر بیراجوں پر نچلے درجے کا سیلاب ہے۔ فلڈ فارکاسٹنگ ڈویژن کے مطابق ملک کے باقی دریاؤں میں صورتحال معمول پر ہے۔