کیلیفورنیا: (رائیٹ ناؤنیوز) انسٹاگرام نے تقریباً ایک دہائی بعد اپنے لوگو کے ڈیزائن میں تبدیلی کی ہے۔ اس تبدیلی کا مقصد پلیٹ فارم کی بصری شناخت کو مزید جدید اور نمایاں بنانا ہے۔

انسٹاگرام کی مالک کمپنی میٹا نے بتایا ہے کہ نئے لوگو میں جدید انداز کے ساتھ پرانے ڈیزائن کی جھلک بھی برقرار رکھی گئی ہے۔ ایڈم موسیری نے کہا کہ یہ تبدیلی ایپ کے اوپری حصے میں موجود ورڈ مارک کو تازہ اور جدید شکل دینے کی غرض سے کی گئی ہے۔

انسٹاگرام کے سربراہ ایڈم موسیری نے کہا کہ نیا ڈیزائن زیادہ صاف ستھرا اور جدید ہے۔ تاہم اس میں انسٹاگرام کی روایتی سادگی اور شناخت کو برقرار رکھا گیا ہے۔

یہ اقدام انسٹاگرام کی بصری شناخت کو جدید بنانے کی کوششوں کا حصہ ہے جو صارفین کو پلیٹ فارم سے جڑے رہنے کی ترغیب دیتا ہے۔ یہ تبدیلی پلیٹ فارم کے مستقبل کے لئے اہمیت رکھتی ہے۔

یاد رہے کہ انسٹاگرام کا ورڈ مارک گزشتہ 10 سال سے تبدیل نہیں کیا گیا تھا، اور یہ تبدیلی اس لئے کی گئی ہے کہ نئی نسل کو پرانے ڈیزائن کو پڑھنے میں مشکل پیش آ رہی تھی۔