واشنگٹن: (رائیٹ ناؤ نیوز) امریکا نے ایران پر تاریخ کی سخت ترین پابندیاں لگانے کا اعلان کیا ہے۔ امریکی وزیر خزانہ اسکاٹ بیسنٹ نے کہا ہے کہ یہ پابندیاں بے مثال ہوں گی۔

امریکی وزیر خزانہ نے میڈیا کو بتایا کہ اگلے ہفتے مزید اعلانات متوقع ہیں۔ ان کا کہنا تھا کہ امریکا ایران کو معاشی طور پر تنہا کرنے کے لیے مزید اقدامات کرے گا۔

ان پابندیوں میں ایران پر معاشی دباؤ بڑھانے کے ساتھ آبنائے ہرمز سے متعلق اقدامات بھی شامل ہوں گے۔ امریکا کی جانب سے ان اقدامات کا مقصد ایران کی اقتصادی حالت کو متاثر کرنا ہے۔

ان اقدامات کی اہمیت اس لیے زیادہ ہے کہ آبنائے ہرمز میں ناکہ بندی برقرار رہے گی۔ نا کہ بندرگاہوں سے کوئی چیز اندر یا باہر جا سکے گی۔

واضح رہے کہ ایران اور امریکا کے تعلقات میں پہلے بھی کشیدگی رہی ہے۔ پابندیاں ان تعلقات کو مزید پیچیدہ بنا سکتی ہیں۔