اسلام آباد: (رائیٹ ناؤ نیوز) فیڈرل بورڈ آف ریونیو (ایف بی آر) نے 2026-27 کے لیے ودہولڈنگ انکم ٹیکس ریٹ کارڈ جاری کر دیا ہے۔ اس کارڈ میں مختلف شعبوں، ادائیگیوں اور لین دین پر عائد ٹیکس شرحیں شامل ہیں۔

ریٹ کارڈ کو 30 جون 2026 تک فنانس ایکٹ 2026 کے مطابق اپ ڈیٹ کیا گیا ہے۔ اس میں درآمدات، تنخواہ، منافع، اور دیگر معاملات پر ودہولڈنگ ٹیکس کی شرحیں درج ہیں۔

ایف بی آر نے بتایا ہے کہ 6 لاکھ روپے تک کی آمدن پر ٹیکس کی شرح صفر ہے جبکہ 70 لاکھ سے زائد آمدن پر 35 فیصد ٹیکس عائد ہوگا۔ موٹر گاڑیوں، بجلی اور انٹرنیٹ پر بھی مختلف شرحیں مقرر کی گئی ہیں۔

یہ قدم ٹیکس دہندگان، ودہولڈنگ ایجنٹس، اور دیگر متعلقہ افراد کی سہولت کے لیے اٹھایا گیا ہے۔ اس کارڈ میں دی گئی معلومات کسی قانونی دستاویز کے طور پر استعمال نہیں کی جا سکتی ہیں۔

یاد رہے کہ ایف بی آر ہر سال فنانس ایکٹ کے مطابق ودہولڈنگ ٹیکس کی شرحوں کو اپ ڈیٹ کرتا ہے تاکہ ٹیکس نظام کو بہتر بنایا جا سکے۔