میامی: (رائیٹ ناؤ نیوز) نئی تحقیق کے مطابق والدین اپنے بچوں کو اسمارٹ فونز دے کر تناؤ کم کرنے کی کوشش کرتے ہیں۔ فلوریڈا انٹرنیشنل یونیورسٹی کی تحقیق میں 4 سے 8 سال کے بچوں کے 822 والدین شامل تھے۔

تحقیق میں انکشاف ہوا کہ تناؤ کے شکار والدین بچوں کو اسمارٹ فونز دے کر مصروف رکھتے ہیں۔ ان والدین نے اسکرین ٹائم کی حد کا نفاذ نہیں کیا۔

ماہرین نے کہا ہے کہ والدین کو اپنے تناؤ کے حوالے سے مدد لینے سے نہیں ہچکچانا چاہیے۔ ان کو اسکرین ٹائم کی حد کا خیال رکھنا چاہیے۔

یہ تحقیق اس بات پر زور دیتی ہے کہ والدین کو بچوں کے ساتھ صحت مند وقت گزارنا چاہیے۔ انہیں بچوں کو بامقصد مواد دکھانا چاہیے جو ان کی عمر کے مطابق ہو۔

یاد رہے کہ اکتوبر 2024 کی تحقیق میں اسکرین ٹائم کے دماغی صحت پر منفی اثرات کا ذکر کیا گیا تھا۔ خاص طور پر بچوں میں ڈپریشن اور انزائٹی کے خطرات بڑھ جاتے ہیں۔