یورپ: (رائیٹ ناؤ نیوز) آج یورپ میں 30 سال بعد مکمل سورج گرہن ہوگا۔ گرہن کا مشاہدہ یورپ کے مختلف علاقوں، گرین لینڈ، آئس لینڈ، اسپین کے شمالی حصوں اور پرتگال میں کیا جائے گا۔ برطانیہ اور آئرلینڈ میں سورج گرہن جزوی طور پر نظر آئے گا۔

ماہرین کے مطابق، اس دوران چاند، سورج اور زمین کے درمیان آ جائے گا، جس کی وجہ سے سورج کی روشنی زمین تک پہنچنے سے رک جائے گی۔ اس دوران کچھ علاقوں میں غیر معمولی تاریکی کا منظر پیدا ہوگا۔

گرہن یورپ کے وقت کے مطابق رات 8 بجکر 27 منٹ پر شروع ہوگا۔ جی ایم ٹی وقت کے مطابق شام 6 بجکر 27 منٹ پر مکمل گرہن ہوگا۔ یہ یورپ میں گزشتہ 30 سالوں میں پہلا مکمل سورج گرہن ہوگا۔

یورپ میں اس مظہر کی خاص اہمیت ہے کیونکہ 1999 کے بعد پہلی مرتبہ مکمل سورج گرہن دیکھا جائے گا۔ فلکیات میں دلچسپی رکھنے والے افراد اور ماہرین اس منظر کے مشاہدے کے لیے خصوصی انتظامات کر رہے ہیں۔

واضح رہے کہ پاکستان میں اس سورج گرہن کا مشاہدہ ممکن نہیں ہوگا کیونکہ گرہن کے اوقات پاکستان میں رات کے وقت ہوں گے۔