تہران: (رائیٹ ناؤنیوز) ایرانی پاسداران انقلاب کے ترجمان بریگیڈیئر جنرل حسین محبی نے دعویٰ کیا ہے کہ خلیج فارس میں ایک بھی امریکی بحری جہاز موجود نہیں ہے۔ یہ دعویٰ رمضان میں ایران پر مسلط کردہ جنگ کے پس منظر میں سامنے آیا ہے۔

بریگیڈیئر جنرل حسین محبی نے بیان میں کہا کہ جنگ کے دوران امریکا کے 30 سے 40 جنگی جہاز خلیج فارس میں تھے۔ ایران عراق جنگ کے دوران امریکا نے 100 سے زائد جنگی جہاز خلیج فارس میں بھیجے تھے، لیکن اب کوئی بھی جہاز نہیں ہے۔

جنرل محبی نے کہا کہ ایران کے ردعمل نے دشمن کو نقصان پہنچایا ہے۔ انہوں نے کہا کہ امریکا نے ایران کی ساؤتھ پارس گیس فیلڈ پر بمباری کی، جس کا جواب سخت حملوں سے دیا گیا۔ امریکا کے لیے جنگ جاری رکھنا مشکل ہوگیا تھا۔

پاسداران انقلاب کے ترجمان نے خبردار کیا کہ ایران کو خطرہ ہوا تو خطے میں امریکی و غیر امریکی توانائی اور انٹرنیٹ انفرا اسٹرکچر ختم کردیا جائے گا۔ تاہم، امریکی بحری جہازوں کی ناکہ بندی کی تفصیلات نہیں دی گئیں۔

یاد رہے کہ ایران کے توانائی وسائل کی بمباری کا جواب امریکا اور اس کے اتحادیوں پر حملوں سے دیا گیا تھا۔ ایران نے نئی پائپ لائنز کے ذریعے روزانہ 50 سے 70 لاکھ بیرل تیل برآمد کرنا شروع کیا۔