کراچی: (رائیٹ ناوٴ نیوز) سردیوں میں لوگ فلو، زکام اور سانس کی بیماریوں سے بچاؤ کے لیے قدرتی غذاؤں اور موسمی پھلوں کا استعمال کرتے ہیں۔ ماہرین کے مطابق، سیب اور مالٹے دونوں ہی اس موسم میں مفید ثابت ہوتے ہیں، مگر ہر ایک کا جسم پر اثر مختلف ہوتا ہے۔

مالٹے میں وٹامن سی کی زیادہ مقدار مدافعتی نظام کو فوری تقویت دیتی ہے، جبکہ اینٹی آکسیڈنٹس سوزش کم کرنے میں مدد دیتے ہیں۔ زکام اور بخار کے دوران مالٹے کا استعمال مفید سمجھا جاتا ہے۔

دوسری جانب، سیب جسم کو دیرپا توانائی فراہم کرتا ہے اور آنتوں کی صحت بہتر بناتا ہے۔ اس میں موجود ریشہ اور پیکٹِن نظام ہاضمہ کو مضبوط بناتے ہیں۔

ماہرین کا کہنا ہے کہ سردیوں میں دونوں پھلوں کو ساتھ کھانے سے جسم کو فوری اور طویل مدتی فائدہ ہوتا ہے۔ تاہم، کسی بھی غذائی تبدیلی سے پہلے ماہر سے مشورہ کرنا ضروری ہے۔