بیجنگ: (رائیٹ ناؤ نیوز) چین میں حالیہ قدرتی آفات کے دوران اے آئی سے تیار کی گئی جعلی ویڈیوز سوشل میڈیا پر پھیل رہی ہیں۔ ان ویڈیوز نے عوام میں خوف و ہراس پیدا کر دیا ہے۔

چین میں طوفانوں اور سیلاب کے دوران ایسی ویڈیوز گردش کر رہی ہیں جو متاثرہ علاقوں کی صورتحال کو بڑھا چڑھا کر پیش کرتی ہیں۔ یہ مواد امدادی کارروائیوں میں رکاوٹ ڈال رہا ہے۔

ژیجیانگ پولیس کے نائب سربراہ نے بتایا کہ جھوٹی معلومات بہت سے لوگ زیادہ ویوز کے لیے پھیلا رہے ہیں۔ یہ مواد ہنگامی صورتحال کو پیچیدہ بنا دیتا ہے۔

واضح رہے کہ چین مصنوعی ذہانت پر بڑے پیمانے پر سرمایہ کر رہا ہے۔ ملک میں 6,000 سے زائد اے آئی کمپنیاں موجود ہیں جو اس ٹیکنالوجی کو مستقبل کی اہم ٹیکنالوجی مانتی ہیں۔

یاد رہے کہ ماہرین کے مطابق اے آئی کی ترقی قانونی نظام سے تیز ہو رہی ہے۔ اس سے نئی قسم کی غلط معلومات سے نمٹنا مشکل ہو سکتا ہے۔ قانونی ماہرین کا کہنا ہے کہ مواد بنانے والے اور پلیٹ فارمز بھی جوابدہ ہونے چاہئیں۔