سان فرانسسکو: (رائیٹ ناؤ نیوز) گوگل اسسٹنٹ کو اینڈرائیڈ فونز سے ہٹانے کا فیصلہ کر لیا گیا ہے۔ 4 ستمبر 2026 سے یہ سروس ختم ہو جائے گی۔

گوگل نے صارفین کو مطلع کرتے ہوئے کہا ہے کہ گوگل اسسٹنٹ کو جیمنائی سے تبدیل کیا جا رہا ہے۔ جیمنائی گوگل کی نئی آرٹی فیشل انٹیلی جنس (AI) ٹیکنالوجی ہے، جو بہتر کارکردگی کا وعدہ کرتی ہے۔

گوگل کی طرف سے جیمنائی کو ڈیوائسز میں ڈیفالٹ انتخاب بنانے کی کوشش کی جا رہی ہے۔ یہ ملٹی ماڈل اسسٹنٹ ہے جو آڈیو، ٹیکسٹ اور تصاویر کے ذریعہ ہدایات لے سکتا ہے۔

اس تبدیلی کا مقصد صارفین کو جدید ٹیکنالوجی کی سہولت فراہم کرنا ہے۔ جیمنائی کی آمد سے گوگل اسسٹنٹ کی جگہ لینے کا عمل مکمل ہو جائے گا۔

واضح رہے کہ گوگل اسسٹنٹ مئی 2016 میں متعارف کرایا گیا تھا، لیکن جیمنائی کی بڑھتی ہوئی مقبولیت نے اس کے اختتام کی راہ ہموار کی۔