فالکن 9 راکٹ کا چاند سے ٹکرانے کا خدشہ، سائنسدان اسے سائنسی لحاظ سے اہم قرار دے رہے ہیں۔
کیلیفورنیا: (رائیٹ ناؤ نیوز) اسپیس ایکس کے فالکن 9 راکٹ کے چاند سے ٹکرانے کا خدشہ ہے۔ یہ راکٹ جنوری 2025 میں نجی قمری مشنز کے لیے خلا میں بھیجا گیا تھا۔
فالکن 9 نے امریکی کمپنی فائر فلائی ایرو اسپیس کا بلیو گھوسٹ لینڈر اور جاپانی کمپنی آئی اسپیس کا ریزیلینس لینڈر چاند کی جانب بھیجا تھا۔ بلیو گھوسٹ نے کامیاب لینڈنگ کی جبکہ ریزیلینس ناکام رہا۔
ماہرین کا کہنا ہے کہ راکٹ کا پہلا مرحلہ زمین پر واپس آگیا تھا، لیکن دوسرا مرحلہ خلا میں موجود رہا۔ یہ مرحلہ مشنز کو چاند کی سمت دھکیلنے کے لیے استعمال ہوا۔
ناسا کی ڈائریکٹر جولیانا شیمین کا کہنا ہے کہ زیادہ توانائی والے مشنز میں مختلف طریقہ اختیار کرنا پڑتا ہے، جو سورج کی سرگرمیوں اور کششِ ثقل سے متاثر ہوا۔
واضح رہے کہ اس تصادم سے زمین کو کوئی خطرہ نہیں، لیکن چاند کی سطح پر اثرات اور خلائی ملبے کی حرکت سے متعلق معلومات حاصل ہو سکتی ہیں۔
