اسلام آباد: (رائیٹ ناؤ نیوز) اینڈرائیڈ فون کی انٹرنیٹ رفتار بڑھانے کے لیے صارفین کو 7 موثر طریقے فراہم کیے گئے ہیں۔ یہ طریقے ویب پیجز کے جلدی لوڈ ہونے اور ویڈیوز کے بہتر اسٹریم ہونے میں مددگار ثابت ہو سکتے ہیں۔

انٹرنیٹ کی سست رفتار ویب سائٹس کے تاخیر سے اوپن ہونے اور ویڈیوز کے رکنے کا باعث بنتی ہے۔ بیک گراؤنڈ ایپس کو ڈس ایبل کرنے سے انٹرنیٹ کی رفتار بہتر ہو سکتی ہے۔

حکام کا کہنا ہے کہ کیشے فائلز کو کلیئر کرنا اور سافٹ ویئر کو اپ ڈیٹ رکھنا بھی انٹرنیٹ کی رفتار میں بہتری لانے میں مددگار ہے۔

انٹرنیٹ براؤزرز کی کارکردگی بھی انٹرنیٹ رفتار پر اثر انداز ہوتی ہے، لہٰذا براؤزرز کو مسلسل اپ ڈیٹ رکھنا ضروری ہے۔ ائیرپلین موڈ کا استعمال بھی سگنل ری سیٹ کرکے رفتار میں بہتری لا سکتا ہے۔

یاد رہے کہ موبائل ڈیوائسز کو ری اسٹارٹ کرنے سے بھی ان کی کارکردگی میں بہتری آتی ہے، جبکہ وائی فائی راؤٹر کے قریب رہنے سے سگنل کی مضبوطی میں اضافہ ہوتا ہے۔