کیلیفورنیا: (رائیٹ ناؤ نیوز) ایپل نے میسجنگ ایپ ٹیلی گرام کو مختصر وقت کے لیے اپنے ایپ اسٹور سے ہٹا دیا۔ یہ قدم بچوں کے جنسی استحصال کے مواد کے مبینہ شیئرنگ کے الزام پر اٹھایا گیا۔

ایپل کے ترجمان نے بتایا کہ ٹیلی گرام نے فوری کارروائی کرتے ہوئے متعلقہ مواد ہٹا دیا۔ اس کے ساتھ ہی متعلقہ صارف کا اکاؤنٹ بھی بند کر دیا گیا۔

یہ پہلا موقع نہیں کہ ٹیلی گرام کو اس عمل کا سامنا کرنا پڑا ہو۔ 2018 میں بھی نامناسب مواد کے باعث ایپ کو ایپ اسٹور سے ہٹا دیا گیا تھا۔

بعد ازاں ٹیلی گرام نے حفاظتی اقدامات مزید سخت کیے اور ایپ کو دوبارہ دستیاب کر دیا گیا۔ ایپل کا کہنا ہے کہ وہ زیرو ٹالرنس پالیسی پر عمل پیرا ہے۔

واضح رہے کہ ایپل بچوں کے جنسی استحصال سے متعلق مواد کے خلاف سخت قوانین کے تحت کارروائی کرتا ہے۔ ایسی خلاف ورزی پر فوری کارروائی کی جاتی ہے۔