راولپنڈی: (رائیٹ ناؤنیوز). مہاجرین کشمیر کی 3 نشستوں پر انتخابات کا میدان سج گیا۔ کل 35 امیدوار ہیں جن میں 4 خواتین بھی شامل ہیں۔

کل 27907 ووٹروں میں 14917 مرد اور 12990 خواتین شامل ہیں۔ 175 پولنگ اسٹیشنز میں سے 31 کو حساس قرار دیا گیا ہے، جبکہ غیر متعلقہ افراد کے داخلے پر پابندی ہے۔

پولنگ کل اتوار 2 اگست کو صبح 8 بجے سے شام 5 بجے تک ہوگی۔ پولنگ اسٹیشنز کے اطراف 500 میٹر تک کیمپ لگانے اور نعرے بازی پر پابندی ہے۔

انتخابات میں مسلم لیگ ن، پیپلز پارٹی، استحکام پارٹی اور جماعت اسلامی کے امیدوار شامل ہیں۔ 4 ہزار پولیس اہلکار تعینات کر دیے گئے ہیں۔

واضح رہے کہ وادی 4 میں سب سے کم 3346 ووٹ ہیں، جبکہ جموں 6 میں 20807 ووٹ ہیں۔ یہ انتخابات سیکیورٹی کے سخت انتظامات کے تحت ہو رہے ہیں۔