اسلام آباد: (رائیٹ ناؤ نیوز) ایل این جی کی قیمت میں تاریخ کا بلند ترین اضافہ ریکارڈ کیا گیا ہے۔ اوگرا کی جانب سے جاری نوٹیفکیشن کے مطابق جولائی میں 6.45 ڈالر فی ایم ایم بی ٹی یو قیمت بڑھا دی گئی ہے۔

سوئی ناردرن سسٹم پر ایل این جی کی قیمت 25.83 ڈالر فی ایم ایم بی ٹی یو جبکہ سوئی سدرن سسٹم پر 25.8 ڈالر ہوگئی ہے۔ قطر سے ایل این جی کارگو اسپاٹ مارکیٹ سے سستا ہے اور اس کی قیمت 13.37 فیصد برینٹ کے مساوی ہے۔

مشرق وسطیٰ کی کشیدہ صورتحال کے باعث پاکستان کو جولائی میں 5 مہنگے ایل این جی کارگوز خریدنے پڑے۔ اس وجہ سے جون کے مقابلے میں جولائی کی قیمت میں بڑا اضافہ ہوا ہے۔

یہ اضافہ پاکستانی صارفین کے لیے مشکلات کا سبب بن سکتا ہے، کیونکہ توانائی کی قیمتوں میں اضافہ گھریلو اور صنعتی صارفین پر اثر ڈالے گا۔

یاد رہے کہ پاکستان نے پہلے بھی عالمی مارکیٹ سے مہنگے ایل این جی کارگوز کی خریداری کی ہے جس پر تنقید ہوئی تھی۔