اسلام آباد: (رائیٹ ناؤنیوز) وزیر دفاع خواجہ آصف نے بیان دیا ہے کہ پیپلزپارٹی اور ہمارے درمیان دراڑیں موجود ہیں، لیکن موجودہ سیٹ اپ کے جانے کی کوئی نشانیاں نہیں ہیں۔

انہوں نے جیو نیوز سے گفتگو کرتے ہوئے کہا کہ ڈی جی آئی ایس پی آر کے بیان کی توثیق کرتا ہوں، مگر وزیرداخلہ کے بیان میں سیاسی پہلو موجود ہے۔ محسن نقوی تین ساڑھے تین سال سے سسٹم سے وابستہ ہیں۔

خواجہ آصف نے کہا کہ موجودہ حالات میں ہائبرڈ نظام کی کامیابی میں نجات ہے۔ ماضی کی حکومتوں میں ڈلیور نہ کرنے کے سوال پر ذمہ داری قبول کی۔

انہوں نے مزید کہا کہ اداروں کو نہیں بلکہ اشخاص کو الزام دوں گا جو سیاسی یا وقت کی اسٹبلشمنٹ سے متعلق ہوں۔

واضح رہے کہ پیپلزپارٹی اور نون لیگ کے درمیان سیاسی اختلافات کا عرصہ دراز سے سلسلہ جاری ہے، مگر موجودہ سیٹ اپ مستحکم دکھائی دے رہا ہے۔