لاہور: (رائیٹ ناؤ نیوز) تحریک انصاف نے 5 اگست کو مینارِ پاکستان پر جلسے کی کال دے رکھی ہے۔ تاہم، اجازت نہ ملنے کی صورت میں متبادل حکمت عملی بھی بنا لی گئی ہے۔

پارٹی ذرائع کا کہنا ہے کہ ضلعی انتظامیہ سے رابطے جاری ہیں۔ ڈی سی لاہور کو درخواست دی گئی ہے اور اس کی پیروی ہو رہی ہے۔

اجازت ملنے پر جلسہ مینارِ پاکستان پر ہوگا، ورنہ متبادل مقام پر احتجاج ہوگا۔ وہاں پارٹی قیادت بھی خطاب کرے گی۔

ذرائع کے مطابق آزادی چوک، بتی چوک، لبرٹی چوک ممکنہ احتجاجی مقامات ہیں۔ کارکن وہاں جمع ہوں گے اور قیادت خطاب کرے گی۔

یاد رہے کہ تحریک انصاف کے ارکان اسمبلی ریلیوں کے ذریعے احتجاجی مقام تک پہنچیں گے۔ حتمی فیصلہ اجازت کے مطابق ہوگا۔